Leviticus 8

Aaron le a Tapate Kipsakna

1TOPA in Moses tungah, 2“Aaron le a tapate, a puansilhte uh, nilh sathau, mawhna hanga biakna ding bawngtal, tuutal nih le silngo sawh loh anlum koihna lawh-te tawh hong paipih inla 3Kikhopna Puanbuk lutna ah mipite a vekpi-un kikhawmsak in,” a ci hi. 4TOPA in amah a thupiak bangin Moses in hih a, Kikhopna Puanbuk lutna ah mipite a kikhawm uh hi. ^a

5 Moses in mipite tungah, “Hih in, TOPA in hih dinga hong thupiak ahi hi,” a ci hi. 6Tua khit ciangin Moses in Aaron le a tapate a mai-ah paikhiatpiha tui-in a sil hi. 7Amah in puan tungsilh Aaron silhsaka, puan kawnggakin a gak hi; puantualpi silhsa in siampi puan a silh thuahsak hi. Amah in khutsiamtaka kigan kawnggakin a siampi puan zong a gak hi; tua ciangin ama tungah a kikhihkip hi. 8Amah in a tungah awmtuam bulha tua awmtuam ah Urim le Thummim a thuah hi. 9Tua khit ciangin TOPA in Moses a thu piaksa bangin Aaron lutungah dial khimsaka, a mailam ah kham pek, kumpi lukhu siangtho a bulh hi.

10 Tua khit ciangin Moses in nilh sathau la-a, biakbuk le a sunga vante khempeuh nilhin tua ciangin a ap hi. 11Biakna-tau tungah sathau pawlkhat sagih vei thehin biakna-tau le a um a beelte, kisilna kuangpi a tuna tawh a ap nadingin sathau a nilh hi. 12Amah in Aaron lutungah nilh sathau pawlkhat sunga a apna-in amah a nilh hi. 13Tua khit ciangin Aaron tapate a mai-ah paisaka TOPA in Moses a thupiak bangin amaute puantungsilh silhsakin puan kawnggakte-in gak-a, lugaknate a gaksak hi.

14 Tua khit ciangin amah in mawhna hanga biakna dingin bawngtal pia a, Aaron le a tapate in tua lutungah a khut uh a nga uh hi. 15Moses in tua bawngtal go-in a sisan pawlkhat la-a, biakna-tau siansuahna-in a khutme tawh biakna-tau ki khempeuh a nuh hi. Sisan a omlai teng biakna-tau bulah a sungkhia hi. Tua bangin biakna-tau adingin thoihdamna bawlin a ap hi. 16Moses in a sungkua tuam athau khempeuh, a sin tuam le a kalte gel le tuate thau zong la-a, biakna-tau tungah a hal hi. 17Ahi hangin TOPA in Moses a thupiak bangin tua bawngtal avun, asa le a ek-te tawh giahphual pualamah a haltum hi. ^b

18 Tua khit ciangin amah in meihal biakna dingin tuutal pia-a, Aaron le a tapate in tua gan lutungah a khutte uh nga uh hi. 19tua ciangin Moses in tuutal go-in biakna-tau pang khempeuh sisan a theh hi 20Amah in tuutal semnen-a a lu a sanente le athau a hal hi. 21TOPA in Moses a thupiak bangin amah in a sungkuate le a khete tui-in sawpa, tuutal buppi TOPA tungah lungkim-sakna gimnamtui mei-a hal biakna-in biakna-tau tungah meihal biakna-in a hal hi.

22 Tua khit ciangin amah in kipsakna tuutal dingin tuutal dang khat pia-a, Aaron le a tapate in tua gan lutungah a khutte uh nga uh hi. 23Moses in tuutal go-a, a sisan pawlkhat la-in Aaron taklam bilhualte, a taklam khutpi, a taklam khepite a nuhsak hi. 24Moses in Aaron tapate zong a mai-ah paisaka, amaute taklam bilhualte, a taklam khutpite uh le a taklam khepite uh sisan a nuhsak hi; tua khit ciangin biakna-tau pang khempeuh sisan a theh hi. 25Amah in athaute, a mei thau, a sungkua tuam athau, a sin tuam, a kalte gel le athau le a taklam phei a la hi. 26Tua ciangin TOPA mai-a om silngo sawh loh anlum lawh panin anlum pheng, sathau tawh kibawl moh khat, le mohnip khat la a; a thaute pawl a taklam phei tungah hihte a koih hi. 27Amah in hihte khempeuh Aaron le a tapate khutah koih a, vei-a biakna-in tuate TOPA mai-ah a vei hi. 28Tua khit ciangin Moses in amaute khut panin tuate lakhia a, kipsakna-a biakna, lungkimsakna gimnamtui, TOPA tunga mei-a hal biakna-in biakna-tau tungah meihal biakna tung sawnah tuate a hal hi. 29Amah in, TOPA in Moses a thupiak bangin kipsakna tuutal-a Moses tanh a iik zong la a, vei-a biakna-in TOPA mai-ah a vei hi. ^c

30 Tua khit ciangin Moses in biakna-tau panin nilh sathau pawlkhat le sisan pawlkhat la a, tuate Aaron le a puansilh tung le a tapate le a puansilhte uh tungah a theh hi. Tuaci in Aaron le a puansilhte le a tapate le a puansilhte uh a ap hi. ^d

31 Tua khit ciangin Moses in Aaron le a tapate kiangah, “Keimah in, ‘Aaron le a tapate in tuate ne uh hen,’ ci-a thu kong piak ▼

▼8.31 Ahikeh thu hong kipiate

bangin Kikhopna Puanbuk lutna ah tua sa huan unla, kipsakna biakna lawh sunga anlum tawh meh un. 32Tua khit ciangin sa le anlum a omlai teng haltum un. 33Note hong kikipsakna ni sagih sung bei ding ahi manin, note kipsakna a kimansiang matengin ni sagih sung Kikhopna Puanbuk lutna lawi kei un. 34Tuni-a kihihte note adingin thoihdamna bawl nadinga TOPA thupiak ahi hi. 35Note na sih loh nadingun Kikhopna Puanbuk lutna ah ni sagih sung sun tawh zan tawh pel loin om unla TOPA hong sawlte hih un; tua in keima hong thupiaksa ahi hi,” a ci hi. 36Tua ahi ciangiin TOPA in Moses tungtawna a thupiakna khempeuh Aaron le a tapate in a hih uh hi. ^f